PASTELLUM

PASTELLUM

vel Guesdum hodie vocatur, quod olim in Gallia Guastum, eâdem herba, quae Vitrum Latine et Graece ἴσατις; a qua id genus coloris, quô caeruleum tingitur, confici solet, sic dicta quod contusa in pastillos digeratur, Graeci recentiores πάςτιλλον vocant, Arabes Nil, quô nomine et caeruleum colorem nuncupant. Inde et aliam herbam, quae simili praeparata modô similem colorem efficit, eâdem appellatione impertiunt. Guzaratae, ubi plurimum celebratur huius herbae ad tincturam σκευασία, vocari ferunt Gali; quam rori marino similem de facie faciunt Linschotius et Paludanus, ocimo Garclas, ex versione Clusii. Isatis vero nostra plantagini similia habet folia. Nec dubium, quin veterum Ι᾿νδικὸν, quod hodie aiunt inexploratae inventionis esse, ex illa herba Indica parari solitum sit. Harundinum Indicarum limum esse prisci credidêre: nempe ex India allatum et limo indurato simile quum viderent, putârunt spumam esse arundinum, athaerescente limô. Isatidem certe et Indicum eôdem colore inficere Zosimus docet, Ε᾿πὶ ὑακίνθου δε πόαν ὑάκινθον καὶ μέλαν Ι᾿νδικὸν καὶ ἰσάτιδος ρίξαν. Ubi μέλαν Ι᾿νδικὸν, est Nil Indicum, Isatis, nostras Nil. Hoc pastellum caeruleum Narbonensium, Aliud autem est Pastellum luteum vel rubrum, quod φοινικοπάςτελλον ἐρυθρὸν eidem Zosimo dicitur, Arabibus Νάτηφ, an ex Latino nativus; ita enim Latini rubrum colorem per excellentiam vocavêre: oblongus instar dactyli (qui φοίνιζ Graecis) pastillus ruber. Namque Pastilli variô modô facti, rotundi, qui τροχίσκοι et κυκλίσκοι et τροχοειδεῖς αρτοι Andromacho in Theriac. oblongi, ut dactyli palmarum; vel ovali figurâ, quas ὑπομήκεις κολλύρας vocat Theomnestus, μαγαδλίας Auctores Veterinarii etc. Forte eâ voce exprimere voluit eum colorem, quem Galli hodie vocant Aurantianum pastellum, vulgo Orange pastel, qui croceus est color in rubrum vel coccinum vergens. Salmas. ad Solin. p. 1331. et seqq.